البحث
  كل الكلمات
  العبارة كما هي
مجال البحث
بحث في القصائد
بحث في شروح الأبيات
بحث في الشعراء
القصائد
قائمة القصائد
قصائد مسجلة صوتياً
قصائد مختارة
القصيدة : خط لفى يا ابن سبيل قريناه

الشاعر: ابن لعبون

أخفاء الحركات (لقراءة أسهل)

القافية : ياء - صفحة 1   ( عدد الصفحات : 2 )

1    خط لفى يا أبن سبيل قريناه فهمت موضوعه ورد السلامي
2    وتذكر مقانيص بواره قنصناه وسوالف بالليل مثل الأحلامي
3    ما فات مات ولو تذكرت طرياه يطري عليك اللي مضى وأنت كامي
4    جاك الكتاب مزرف وأنت ملفاه وسلام أحلى من لذيذ المنامي
5    أقرأ الكتاب ووصل الخط منهاه وخص الرجال اللي ذكرت بكلامي
6    واليا قريته سلمه نور يقراه ومشعل عشيري بلغوه بسلامي
7    وأبو خليل اللي على العسر تلقاه وزابن لي ركب الرشا للمقامي
8    ونونان شوق اللي تلاعج ثناياه ومبارك اللي مع رفيقه يحامي
9    ومعيض أبو عايد وفخري لا تنساه لي طار ستر معورجات الوشامي
10    وناصر عشير اللي بخده حماراه وأبو جمال اليا تنهض وقامي
11    وفريح عز الجار واللي تنصاه وعياد شوق اللي نهوده زوامي
12    وحباب أبن سندي زبون المخلاه وصالح ولد عايش عقاب قطامي
13    وخلف ولد زيدان شوق الخوانده وأبن عتيق القرم غاية مرامي
14    أمدح هل المعروف أهل المرواه وساع النحايا اللي عليهم كلامي
15    ذباحة الحايل اليا غليت الشاه ومناسف تجدع بهاك الحزامي






جميع الحقوق محفوظة © 2006-2014 - القرية الألكترونية في أبو ظبي www.evuae.com