البحث
  كل الكلمات
  العبارة كما هي
مجال البحث
بحث في القصائد
بحث في شروح الأبيات
بحث في الشعراء
القصائد
قائمة القصائد
قصائد مسجلة صوتياً
قصائد مختارة
القصيدة : يا رشيد حورف بالعجل للخياري

الشاعر: ابن لعبون

أخفاء الحركات (لقراءة أسهل)

القافية : باء - صفحة 1   ( عدد الصفحات : 2 )

1    يا رشيد حورف بالعجل للخياري نبي نجازي راعي الطيب بالطيب
2    عجل بها قبل اختلاف العماري واكتب سلامي للخياري وترحيب
3    خله يبين مثل ضوح النهاري لي ما يببين لك الطرب من ورا الغيب
4    يا رشيد خله مثل ضرب السواري ترى التخثع بالمثايل من العيب
5    لا هن طوال ولا بعيني قصاري يا رشيد ركبهن على الحرف تركيب
6    يا رشيد ما ينفع سمين العذاري عند الرجال اللي تعرف المواجيب
7    راعي الهوى يا رشيد ما هو بداري يونس سواهيج الضحى تفجع الجيب
8    مثل السفيه اللي من العقل عاري لولاه يأخذ خاطره بالتحاريب
9    خلاف لا دنيت شيب الفقاري حيل يبوجن الديار العباعيب
10    حيل يبوجن الدير بالمساري بنات حر من سلايل ضواريب
11    حيل مداهلهن ليال الصفاري بين الصفيرا والقهد والمرابيب
12    ما صفوقهن لين شبعن خضاري وشدوا على اللي يكسرن المصاليب
13    فج النحور مزبرات الفقاري هن منوة اللي غادي له ذواهيب
14    مدن وطشن قاع بقعى يساري والعصر بام جريف عند المعازيب
15    يمشن لي هبت نسام الذواري واللي عليهن كاملين المواجيب






جميع الحقوق محفوظة © 2006-2014 - القرية الألكترونية في أبو ظبي www.evuae.com