البحث
  كل الكلمات
  العبارة كما هي
مجال البحث
بحث في القصائد
بحث في شروح الأبيات
بحث في الشعراء
القصائد
قائمة القصائد
قصائد مسجلة صوتياً
قصائد مختارة
القصيدة : مرحوم

الشاعر: عبد الله بن صقر

أخفاء الحركات (لقراءة أسهل)

القافية : هاء - صفحة 1   ( عدد الصفحات : 2 )

1    مرحوم حال اللي له الجفن ما بات سهران يوم الناس كلها ارقديه
2    يرضف ونينه والمدامع جريات مثل المطرلي من امزونٍ عليه
3    لي من طرى له ذكر وقتٍ مضا وفات با يام حلوه والليالي هنيه
4    ويا صديجن ما تعمد الزلات ذرب الفعايل والنفس له صخيه
5    عاشوا أيامٍ في أناسه أو شراغات ما كان في الفرقا لهم شي نيه
6    لكن ناسٍ ما تخاف العقوبات أهل الحسد يا الله عساهم بليه
7    يبلون في الدنيا جزاهم ابعاهات وفي الآخرة يصلون نارٍ حميه
8    أوغاد سوو بين لثنين حيلات لين ابعدو لثنين كلن ابغيه
9    يا بن على تبكي الوقت لي مضى اوقات أصبر على الشدات وانته خويه
10    واللي اصبر ويوم المحن والبليات لهم فضيله عند رب البريه
11    عسى الليالي القابله لك هنيات وترتاح نفسك بعد ما هي شجيه
12    ابعودة اللي له بقلبك مقامات صديج عمرٍ ذكرياته زكية
13    وقال المثل دنياك يومين بالذات يومن عليك ويوم لك مجبليه
14    تعطيك بما تشتهي بكل لذات حلوه وغيها ما تساوي سويه
15    وأن كأنها جفت تشوف المهانات تجري وراها وهي عنك انجفيه






جميع الحقوق محفوظة © 2006-2014 - القرية الألكترونية في أبو ظبي www.evuae.com