البحث
  كل الكلمات
  العبارة كما هي
مجال البحث
بحث في القصائد
بحث في شروح الأبيات
بحث في الشعراء
القصائد
قائمة القصائد
قصائد مسجلة صوتياً
قصائد مختارة
القصيدة : يا الله يا منشي القمر من مغيبه

الشاعر: سليمان بن ناصر الشريم

أخفاء الحركات (لقراءة أسهل)

القافية : باء - صفحة 1   ( عدد الصفحات : 2 )

1    يا الله يا منشي القمر من مغيبه يا مرجعه من مطلع الشمس تغريب
2    تفرج العين من سهرها عطيبه وعيا يسر أبها الدوا والأطابيب
3    هذا لها خامس شهر مستصيبه بين الرجا والياس والخبث والطيب
4    على الذي دونه ديار تعيبه ما ياصلنه مبعدات المناجيب
5    اللي عليّ فراق عينه تصيبه من يوم قفينا على الفطر الشيب
6    أدعج غنج يشدي العين الربيبه ربيبة تفرس بكل المخاليب
7    عوده كما البردي ليان رطيبه يلعب به النسناس بين النبانيب
8    والخد جنديل الدجى ينسري به وعليه من شغل النصارى كواليب
9    الذيل ذيل اللي تدلى سبيبه يوم السبايا مدبحات جناديب
10    وملامس ما نشت منها لبيبه الين من الديباج ندف المضاريب
11    والريح يا ريح النفل في شعيبه في حاجر عله من الوسم تشعيب
12    ممطور أمس وزاهر ما وطي به واليوم شمس وفاح طيب على طيب
13    الجادل اللي ما يماتع صويبه جربت منه وكل شي بتجريب
14    والله ما أضحي به وأنا خاطري به ولو يلوح بعارضي مغتر الشيب
15    ليت الهبوب اللي تجينا تجيبه اليا أقبلت للشرق من عقب تغريب






جميع الحقوق محفوظة © 2006-2014 - القرية الألكترونية في أبو ظبي www.evuae.com