البحث
  كل الكلمات
  العبارة كما هي
مجال البحث
بحث في القصائد
بحث في شروح الأبيات
بحث في الشعراء
القصائد
قائمة القصائد
قصائد مسجلة صوتياً
قصائد مختارة
القصيدة : يا عوقي اللي ما حد طاح بدواه

الشاعر: حمد بن علي المدحوس

أخفاء الحركات (لقراءة أسهل)

القافية : ياء - صفحة 1   ( عدد الصفحات : 2 )

1    البارحة كل منامه تهناه والنوم من عيني عذابه جفاي
2    شرفت مشارف عسى السيل ما جاه عساه ما يسقيه وبل الخيال
3    الله لا يسقي مجيه ومبداه ذكر على قلبي وهو كان سالي
4    ذكرني اللي يسلب العقل بحكاه ربي كساه وكمله بالجمال
5    العين عين اللي على الوكر مرباه والعنق عنق اللي تقود الغزال
6    والخشم سلة سيف هند مخباه والخد براق سرى له شعال
7    ومبيسم كن البرد في ثناياه ومجدلات فوق متنه جثال
8    يا ونتي قلت آه ثم آه ثم آه ومساجع الونات سليف بحالي
9    على وليف ما تمنيت فرقاه لين الليالي فرقت كل غالي
10    سقوى سقى الله يوم أنا كنت وياه الجادل الرعوب زين الدلال
11    أتلى العهد به يوم دنى مطاياه شدوا جنوب وانتوينا شمال
12    عز الله أني في شفاته ورجواه دام العرب يرجون شوف لهلال
13    حلفت أنا ما اجوز دونه ولا أنساه لو ينتزح ما دور فيه البدال
14    يا عوقي اللي محدطاح بدواه ما ذقت من لقوات ما سر حالي
15    شاوي للي تجسد الناس لرضاه القادر الوالي عزيز الجلال






جميع الحقوق محفوظة © 2006-2014 - القرية الألكترونية في أبو ظبي www.evuae.com