حوايا :: واحة الشعر الشعبي :: ورد يوم اهلك ايحبونك

القافية : كاف - صفحة 1 ( عدد الصفحات : 1 )

ورد يوم أهلك ايحبونَكْ

والحلاوه تملي أغصانكْ

في نهار وليل يسقونَكْ

وأنتْ عادْ أرتفعت أركانكْ

في الحوي يا مجمل أفنونكْ

تنتشر في طول عيدانكْ

يا ما عينٍ تنظر اعيونكْ

وأنت كل الناس خلانكْ

وأنا ضد اللّي يحاربونكْ

واقفٍ في وسطْ ميدانكْ

بَنشد أهلك ليش يرمونكْ

عندهم وش رَخَّصْ أثمانكْ

بعد ما كانوَ ايغذونَكْ

باذلين الجهد من شانكْ

إيش خلاهم ايعافونَكْ

والسبب وش نزل أوزانكْ

وردْ لو هُمْ ما يعرفونَك

في وطن (بيهوك) بلدانكْ

سر ترى الشبان يحمونَكْ

وأشعر أنا اليوم درعانكْ

وأحذر أهلك لا يعكونَكْ

دامْ كل الناس صدقانكْ