البحث
  كل الكلمات
  العبارة كما هي
مجال البحث
بحث في القصائد
بحث في شروح الأبيات
بحث في الشعراء
القصائد
قائمة القصائد
قصائد مسجلة صوتياً
قصائد مختارة
القصيدة : حيي الجواب الي لفاني بشيره

الشاعر: سليمان بن ناصر الشريم

أخفاء الحركات (لقراءة أسهل)

القافية : دال - صفحة 1   ( عدد الصفحات : 2 )

1    حيي الجواب الي لفاني بشيره فرحت به فرحة خلوج المفرود
2    أو فرحة الغالي بشوفة عشيره يوم اوهفت له عقب غيضات وصدود
3    حيه عدد ما هل وبل المطيره وما بالحفيظة بان شاهد ومشهود
4    جاني وانا قلبي امسج الغيره ريع ورايع له وهو قبل ملهود
5    من واحد كنه بحام الكسيره يقول جالدني من البين جالود
6    قلت الخبر قال المصيبة كبيره ضاعت ذلولي بين جاحد ومجحود
7    ونا وجيع القلب حالي ضريره ينقص وحالي كل يوم ابه الزود
8    قمت بلزومه حق رفقة وجيره لازمك يادرعان تلقاه ماجود
9    وش خانت الي ما يساعد قصيره ما تحوج القصره مواثيق وعهود
10    والطيب له جملة دروب كثيره ونفس تحب الهون ما تدرك الجود
11    والمرجلة بنت هفوف ستيره كل يبيها مير من دونها كود
12    لوهامها خمع ابتوعه قصيره يحسب مراقبيها سمحيات واركود
13    عود على ما فات يلعن مشيره يموت لا فاقد ولا هوب مفقود
14    وكل عليه من ليالي امغيره شيب المحاقب بيض ونحورها سود
15    والناس كل له جواده وعشيره وكل معه طبع من الجد ماجود






جميع الحقوق محفوظة © 2006-2014 - القرية الألكترونية في أبو ظبي www.evuae.com