البحث
  كل الكلمات
  العبارة كما هي
مجال البحث
بحث في القصائد
بحث في شروح الأبيات
بحث في الشعراء
القصائد
قائمة القصائد
قصائد مسجلة صوتياً
قصائد مختارة
القصيدة : وليت يا رجم منيف رقيته

الشاعر: خالد العبد الله الوزان

أخفاء الحركات (لقراءة أسهل)

القافية : تاء - صفحة 1   ( عدد الصفحات : 2 )

1    وليت يا رجم منيف رقيته وياليتني في مرقبه ما تعليت
2    قلب الخطى ما طاعني لو نهيته ماخوذ ما يسمع رفيع التصاويت
3    والعين تذرف والصبر ما قويته وباح الذي ما كان بالصدر كنيت
4    على حبيب باعني وشتريتة اللي ملكني بالموده وذليت
5    اللي قرا خطي ونا ما قريته اقفا ونا في ماقفي ما تعديت
6    ليته يعاتبني وشوف اشجنيته اما حكمته او حكمني او قريت
7    لو يطلب الروح العزيزه عطيته اللي عطفلي من ثمانه وعليت
8    لو كان ينساني فنا ما نسيته بالبال يطريلي اليا صبحت ومسيت
9    قلب المولع عن طريجة عميته خطفت حبل الوصل منك وغريت
10    هديت يا ترف الحشا ما بنيته انت الذي هندست بالجاش لك بيت
11    الله وكبر كيف خلك جفيته عز الله انك في حبيبك ترديت
12    يا زين منك هالجفي ما هقيته رميتني من عالي اطويج ودويت
13    ياليت طاروق الهوى ما مشيته ويا ليتني مخلف طريجك وصديت
14    صندوق جاشي بالمودة فريته بالعون ياخشف المهاما تدريت
15    تليت قلبي من حشاي وزويته وسلبت عقلي يا حبيبي وقفيت






جميع الحقوق محفوظة © 2006-2014 - القرية الألكترونية في أبو ظبي www.evuae.com