البحث
  كل الكلمات
  العبارة كما هي
مجال البحث
بحث في القصائد
بحث في شروح الأبيات
بحث في الشعراء
القصائد
قائمة القصائد
قصائد مسجلة صوتياً
قصائد مختارة
القصيدة : أسباب ما هيض جوابي وسبه

الشاعر: عبد الرحمن بن علي المبارك

أخفاء الحركات (لقراءة أسهل)

القافية : لام - أسباب ما هَيَّض جوابي وسبّه   ( عدد الصفحات : 2 )

0    أسباب ما هَيَّض جوابي وسبّه بيت قديم صايب الجيل قاله
0    والحر لو ياكل من الضيم جنبه عيب ايتشكّى للأجانيب حاله
0    وأنا أقول عيبٍ يشتكي لغير ربه يصبر ولو شاف الخطى والجهاله
0    حتى ولو يسمع كلام المسبّه يكظم على ما به ويظهر جماله
0    لا عدَّ ماله بد منهم الصحبه يراعي لاجل تصليح شانه وحاله
0    أهل الجهل أعدا أهل العلم قل به وكل من جهل له شي انكر عداله
0    من قبلنا طه نبيّ وصحبه قد قيل فيهم وطعنوا في الرساله
0    لكن عليهم عزه الله وحزبه وشرّف عليهم قدر طه وآله
0    ما خاب من ربه وكيله وحسبه ولا ضاع من تابع نبي العداله
0    آمنت بالمولى ورسله وكتبه واليوم الآخر والقدر والقضا له
0    وكفرت بالطغوت جبته وحزبه وصبرت لأمر الله على كل حاله
0    مسكين يا اللّي مستقيم بغربه أنا قول والله يا ملا عزّتاله
0    ما يعرف المبغض من اللّي يحبه ولا يعرف الصافي ومن لا صفى له
0    والناس في الظاهر يدورون قربه وكل يقول: هلا هلا حي فاله
0    وإن غاب عنهم كثر لومه وعتبه عابوه واعترضوا عليه بجهاله
0    وإن زار قالوا فيه خفّه وزغبه وان صد قالوا فيه كبر وثقالة
0    ولا هوب داري أي حال صلح به ما بين هذا وذاك ضاع احتياله
0    سلامي على من طاب أصله وصلبه وفاقت على غيره معاني خصاله






جميع الحقوق محفوظة © 2006-2014 - القرية الألكترونية في أبو ظبي www.evuae.com