البحث
  كل الكلمات
  العبارة كما هي
مجال البحث
بحث في القصائد
بحث في شروح الأبيات
بحث في الشعراء
القصائد
قائمة القصائد
قصائد مسجلة صوتياً
قصائد مختارة
القصيدة : المعسر تضيع افكاره

الشاعر: إبراهيم بن عبدالله بن جعيثن

أخفاء الحركات (لقراءة أسهل)

القافية : هاء - صفحة 1   ( عدد الصفحات : 2 )

0    المعسر تضيع أفكاره والميسر يا زين أشواره
0    التارج يا زين أعلومه والصعلوك أعطيك أخباره
0    زلات التاجر مرفيه لو شافوها كبر القاره
0    والصعلوك إينما كذبه ولو صاره كبر أزراره
0    تصير أكبر من طميه للغياب امن الحضاره
0    يأخذها هذا من هذا في البرقية والطياره
0    يابن دايل ويش الحيلة له ايجيرك بجواره
0    قل الشوف وقصرت رجلي لا من كد ولاش اتجاره
0    أدخلت إريالين عندي تهاوشوا في السحاره
0    قالوا هيا نبي نظهر ونخلي الشايب في داره
0    إن صرنا عنده يوذينا ما بين إدلاله ووجاره
0    من حرصهن على الطلعه كسرن القفل ومسماره
0    وإن قال أحد وش ها لروحه قلنا روحتنا إزواره
0    نبي مكان يحفظنا مسيله مسدود معباره
0    دونه جدران مبنيه والباب استداد نجاره






جميع الحقوق محفوظة © 2006-2014 - القرية الألكترونية في أبو ظبي www.evuae.com