البحث
  كل الكلمات
  العبارة كما هي
مجال البحث
بحث في القصائد
بحث في شروح الأبيات
بحث في الشعراء
القصائد
قائمة القصائد
قصائد مسجلة صوتياً
قصائد مختارة
القصيدة : الشعر ارياض ما سومه

الشاعر: إبراهيم بن عبدالله بن جعيثن

أخفاء الحركات (لقراءة أسهل)

القافية : هاء - صفحة 1   ( عدد الصفحات : 3 )

0    الشعر ارياض ما سومه يلقاه الراعي من نومه
0    من بناته شيح وعرفج والجنجاثه والقيصومة
0    والكتاده والعراده والعوشز في روس احزومه
0    والحوذانه والبسباسه والشفلح والتنومه
0    فيه العالم مثل الورده والريحانه واليشمومة
0    يفيد اللي يجلس عنده من حديثه أو مفهومه
0    العاقل يفكر ويجرب عسى يربح من تعلومه
0    والجاهل خله في دربه لا يفزع عليك ابشومه
0    ضد العالم مثل الشريه وشجره الغلقة مسمومه
0    هذا كله خلق لله كل يعرف من تسلومه
0    أرزاق العاجز والحازم وهي عند الله مقسومة
0    أحد يسعى ويبارك له واحد يالله عيشة يومه
0    ما حد يأخذها بالحيلة لو قالوا يا قوي إعزومة
0    اللي يسعى ولا وفق هو حظه لحد يلومه
0    أطباع العالم مختلفة في اللوح السابق مرسومة






جميع الحقوق محفوظة © 2006-2014 - القرية الألكترونية في أبو ظبي www.evuae.com