البحث
  كل الكلمات
  العبارة كما هي
مجال البحث
بحث في القصائد
بحث في شروح الأبيات
بحث في الشعراء
القصائد
قائمة القصائد
قصائد مسجلة صوتياً
قصائد مختارة
القصيدة : يالله يا واحد يعلم تضرعنا

الشاعر: عفراء بنت سيف المزروعي

أخفاء الحركات (لقراءة أسهل)

القافية : هاء - صفحة 1   ( عدد الصفحات : 1 )

1    يالله يا واحدٍ يعلم تضرّعنا تقبل وفودٍ إلين البيت زواره
2    زْرْنا وكنا بذي العمره تمتعنا يا راحم العبد لأنك تعلم أسراره
3    الله يطوّل عمر منهو مْسَنْعْنْا ابو خليفه بْفْعْله شاعَتْ أخْباره
4    فعلٍ مْتورخ مْسَجَل في اذايعنا يالله تعزّه لنا في الوقت بأنصاره
5    سنّح لنا صحةٍ من المرض تنفعنا والنافع الله بعباده يدفع أشراره
6    رحنا جميعاً ورب البيت يجمعنا في موقفٍ نبغي الغفران من ناره
7    جينا ندورّ حْصانا ثم هجعنا والصبح قمنا وكلٍ يرمي أحجاره
8    مسحت ركن اليماني يوم ودّعنا ورحنا المدينه إلى المختار زوّاره
9    بعد الزياره إلى الطايره مرجعنا نَبغي لنا من طيور الجو طياره
10    طيارةٍ من غبار الأرض ترفعنا لي بنّد الباب بين لي بالشاره
11    يالله لانك سميعٍ كنت تسمعنا الكل منا تعوّد به على داره
12    دارٍ عزيزه وبعد الضيج تاسعنا من عقب لابعاد نعطي شوفها بشاره
13    هذا وصلو على منهو يشفنا نبينا المصطفى في موقف احشاره






جميع الحقوق محفوظة © 2006-2014 - القرية الألكترونية في أبو ظبي www.evuae.com