البحث
  كل الكلمات
  العبارة كما هي
مجال البحث
بحث في القصائد
بحث في شروح الأبيات
بحث في الشعراء
القصائد
قائمة القصائد
قصائد مسجلة صوتياً
قصائد مختارة
القصيدة : أنا البارحه ونيت يوم الدلوه ينود

الشاعر: عمير بن عفيشه

أخفاء الحركات (لقراءة أسهل)

القافية : هاء - صفحة 1   ( عدد الصفحات : 2 )

0    أنا البارحه ونيت يـوم الدلـوه ينـود واغطرف بصوتٍ يسهر اللي توعابـه
0    يغيّب ذهون اللي بوقت الصلاة سجـود ويغلط براع الكتـب لوكـان يقرابـه
0    اقوله وانا مابي طرب غير لي مقصود ازيد الحزين اللي سواتي علـى مابـه
0    واساهر نجوم الليل لو كان مالي فـود هنـيّ الـذي يرقـد بنـومٍ تهنـابـه
0    وياونتـي ونّـة محيـمٍ عـدوه ورود ترزّم الى منه اظهـر الدلـو جذابـه
0    برك باسفل المعطان لين الصدير يقود والى اقفى صدير العد رايـع لمغرابـه
0    وياخفتي خفّـة وسيـقٍ شعـود اردود تقفوّه مـن ديـرة الاجانيـب كسّابـه
0    على اللي نهوده مثل بيض الحمام قعود وطيّ الكلام اللي خذا القلب واقفى بـه
0    دقيق المعنّق فيه طوق العنـا مقيـود يروّي هبيل القلـب ويـدوّر واسبابـه
0    ابو مضحكٍ صافي كما اللولو المنضود لوقحويان المستوي صفّـة أعذابـه
0    من الريم فيه الخد والمدمعين السـود وجيده وتفريده وذوره وشبّابه
0    ومن بين مقرن حجّته صارمٍ محـدود على مفصلين زمّيمـه فيـه يزهابـه
0    على دمث صفرات المناكب يهل اجعود كما عرف شقرا في ضحى العيد لعّابـه
0    وليفي جعلني لا بصاحي ولا ميهـود عجيب السجايا صاب قلبـي بنشّابـه
0    يقولون حسادي تـودّه ولا لـك فـود وانا اقول ياراع العذل مالي .. الّا بـه






جميع الحقوق محفوظة © 2006-2014 - القرية الألكترونية في أبو ظبي www.evuae.com